«ՎԵՐԱԴԱՐՁ
ԴԵՊԻ ԲՆՈՒԹՅՈՒՆ» ՃԱՄԲԱՐՈՒՄ
իարակի
թեմի «Վերադարձ դեպի բնություն» ճամբարը, ամեն տարվա նման, իր աշխատանքներն
սկսեց հուլիսի 5-ին:
Այդ
օրը՝ վաղ առավոտյան, ճամբար մեկնող երեխաներն ու ծնողները մեկտեղվել
էին Գյումրու Սուրբ Հակոբ եկեղեցում: Մշակութային բաժնի դահլիճում
ճամբարականների հետ հանդիպեց եւ առանձնազրույց ունեցավ ճամբարի պատասխանատու
Լուսինե Գրիգորյանը: Հանդիպման ավարտին եկեղեցում Տ. Վարուժան քհն.
Տերտերյանը կատարեց ճամբարականների օրհնության կարգ, այնուհետեւ բարի
ճանապարհ եւ հաճելի հանգիստ մաղթեց երեխաներին:
Ճամբար հասնելով` երեխաներին դիմավորեցին եւ բարի գալուստ մաղթեցին
ճամբարի պետ Արաքս Կարապետյանը, բժիշկներ Ալլա Խալաթյանը եւ Արթուր
Քոսյանը, ջոկատավարներ Ջուլիա Մանգասարյանը եւ Գոհար Մանվելյանը:
Հուլիսի 7-ին ճամբար այցելեց Շիրակի թեմի բարեխնամ Առաջնորդ Տ. Միքայել
եպս. Աջապահյանը: Սրբազան Հայրը շրջեց ճամբարում, զրուցեց ճամբարականների
հետ, հանդիպեց աշխատակազմին: Այս տարի ճամբարի առօրյայում նորություն
կար: Նախնական պայմանավորվածության համաձայն՝ Եղնաջուր գյուղի Սուրբ
Սարգիս եկեղեցում տեղի էր ունենալու չմկրտված ճամբարականների մկրտության
արարողություն:
Այս նպատակով հուլիսի 11-ին ճամբար այցելեց Աշոցքի տարածաշրջանի հոգեւոր
հովիվ Տ. Հարություն քհն. Պետրոսյանը, ով եւ կատարեց Ս. Մկրտության
կարգը: Մկրտվող երեխաների կնքահոր պատվին արժանացավ ճամբարի բժիշկ
Արթուր Քոսյանը: Հուզիչ եւ պատասխանատու արարողությունը յուրօրինակ
բաց կրոնի դաս էր բոլոր ներկաների համար:
Հուլիսի 18-ի երեկոյան տոնական տրամադրություն էր թեւածում ճամբարում.
բոլորը պատրաստվում էին առաջին հերթափոխի փակման արարողությանը: Ճամբարականների
եւ ջոկատավարների ջանքերով ներկաների դատին հանձնվեց գրական-երաժշտական
ճոխ հայտագիր: Հնչեցին հայ գրողների գոհարներից: Բեմականացվել էր Հովհաննես
Թումանյանի «Փարվանա» լեգենդը:
Միջոցառման վերջում ճամբարի բակում վառվեց ավանդական խարույկը, որի
շուրջ հավաքված ճամբարականներն ուրախացան, երգեցին, պարեցին: Առավոտյան
ճամբարականներն ափսոսանքով մեկնեցին ճամբարից` հաջորդ տարի կրկին Եղնաջուրում
հանդիպելու ակնկալիքով:
ԼՈՒՍԻՆԵ ԳՐԻԳՈՐՅԱՆ
>>>
|
|