ԳՈՐԾՆԱԿԱՆ
ՀՄՏՈՒԹՅՈՒՆՆԵՐԻ ԲԱՑԱՀԱՅՏՈՒՄ
ոցիալ-կրթական
կենտրոնի համագործակցությունը ՀՀ Աշխատանքի եւ սոցիալական հարցերի
նախարարության զբաղվածության պետական գործակալության Գյումրու եւ
Մարալիկի զբաղվածության տարածքային կենտրոնների հետ շարունակվում
է արդեն հինգերորդ տարին:
Համագործակցության
արդյունավետ ուղղություններից է, զբաղվածության տարածքային կենտրոններում
որպես գործազուրկ գրանցված, երիտասարդ մասնագետների աշխատանքային
պրակտիկայի անցկացումը սոցիալ-կրթական կենտրոնում: Երեք ամիս տեւողությամբ
պրակտիկան լավագույն հնարավորություն է աշխատանքային փորձ չունեցող
երիտասարդների համար՝ ծանոթանալու աշխատանքային հարաբերություններին,
ձեռք բերելու համապատասխան ոլորտում գործնական հմտություններ՝ արդյունքում
աշխատաշուկայի համար դառնալով առավել մրցունակ:
Աշխատանքային փորձը գործատուի համար նոր աշխատակից ընդունելու կարեւոր
գրավական է: Այս առումով նշված ծրագիրը բացառիկ հնարավորություն
է տեսական գիտելիքներով «զինված» մասնագետի համար՝ ամբողջացնել եւ
լրացնել այն բացը, որ կապված է գործնականում գիտելիքների կիրառման,
աշխատանքում միջանձնային հարաբերությունների ձեւավորման եւ որպես
լիարժեք մասնագետ կայանալու համար: Այժմ կենտրոնում իրենց աշխատանքային
պրակտիկան են անցկացնում հոգեբան Աննա Առաքելյանը եւ ծրագրավորող
Արման Գասպարյանը:
Աննա Առաքելյանի աշխատանքն ընդգրկում է դեռահասների եւ երեխաների
հետ տարվող հոգեբանական զրույցներն ու հանդիպումները: Նրան իր մասնագիտական
փորձառությունն է հաղորդում կենտրոնի հոգեբան Գոհար Հովեյանը: Արման
Գասպարյանն ապահովում է սոցիալ-կրթական կենտրոնի տեխնիկական սպասարկումը,
նաեւ հմտանում լուսանկարչական աշխատանքում:
Հուսով ենք՝ սոցիալ-կրթական կենտրոնի բազմագործառութային եւ հագեցած
աշխատանքային առօրյան կհարստացնի երիտասարդ մասնագետների գիտելիքներն
ու հմտությունները, ինչի շնորհիվ նրանց առջեւ կբացվեն աշխատաշուկայի
բազմաթիվ փակ դռներ:
Ե. ԳՐԻԳՈՐՅԱՆ
>>>
|
|