Լրահոսից
4 նոյեմբերի - Տոն ամենյան Սրբոց
հնոց եւ նորոց, հայտից եւ անհայտից: Սուրբ Աստվածածին առաջնորդանիստ
մայր եկեղեցում մատուցվեց Սուրբ եւ անմահ Պատարագ՝ ձեռամբ Տ. Թաթուլ
ավ. քհն. Հակոբյանի:
5 նոյեմբերի - Սուրբ Յոթվերք եկեղեցում մատուցվեց
Սուրբ եւ անմահ Պատարագ: Օրվա պատարագիչն էր Տ. Թաթուլ ավ. քհն.
Հակոբյանը: Սրբազան արարողակարգի ընթացքում՝ «Հայր մեր»-ից առաջ,
օրվա խորհուրդը մեկնեց եւ ոգեշունչ քարոզ խոսեց Շիրակի թեմի Առաջնորդ
Տ. Միքայել եպս. Աջապահյանը:
Հընթացս Սբ. Պատարագի՝ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի
գահակալության տասնութերորդ տարեդարձի ուրախ առիթով, կատարվեց Հայրապետական
մաղթանք:
11 նոյեմբերի - Սրբոց հրեշտակապետաց տոնի ուրախ
առիթով առաջնորդանիստ Ս. Աստվածածին եկեղեցում, ձեռամբ Տ. Հովհաննես
քհն. Ալեքսանդրյանի, մատուցվեց Սուրբ եւ անմահ Պատարագ: Հընթացս
սրբազան արարողակարգի՝ «Հայր մեր»-ից առաջ, օրվան պատշաճող քարոզ
խոսեց պատարագիչ Տեր Հայրը:
Նույն օրը, «Պատվո բլուր»-ում գտնվող, ռուսական մատուռում, ձեռամբ
Տ. Ստեփանոս քհն. Ավետիսյանի, մատուցվեց Սուրբ եւ անմահ Պատարագ,
որին մասնակցում էր նաեւ Շիրակի թեմի բարեխնամ Առաջնորդ Տ. Միքայել
եպս. Աջապահյանը: Սրբազան արարողակարգի ընթացքում՝ «Հայր մեր»-ից
առաջ, օրվան պատշաճող հոգեհույզ քարոզ խոսեց Առաջնորդ Սրբազանը:
12 նոյեմբերի - Սուրբ Աստվածածին մայր եկեղեցում
Սուրբ եւ անմահ Պատարագ մատուցեց Տ. Հովհաննես քհն. Ալեքսանդրյանը
եւ «Հայր մեր»-ից առաջ օրվան համահունչ քարոզ խոսեց:
19 նոյեմբերի - Բարեկենդան Հիսնակի պահոց: Առաջնորդանիստ
Սբ. Աստվածածին եկեղեցում, ձեռամբ Տ. Շիրակ ավ. քհն. Առաքելյանի,
մատուցվեց Սուրբ եւ անմահ Պատարագ: Սրբազան արարողակարգի ընթացքում՝
«Հայր մեր»-ից առաջ, օրվա խորհուրդը մեկնող ոգեշունչ քարոզ խոսեց
թեմակալ Առաջնորդ Տ. Միքայել եպս. Աջապահյանը:
21 նոյեմբերի - Ընծայումն Ս. Աստվածածնի երից ամաց
ի Տաճարն: Տոնի ուրախ առիթով Ս. Աստվածածին եկեղեցում Սուրբ եւ անմահ
Պատարագ մատուցեց եւ «Հայր մեր»-ից առաջ, տոնի խորհուրդը մեկնող,
քարոզ խոսեց Տ. Թաթուլ ավ. քհն. Հակոբյանը:
26 նոյեմբերի - Սուրբ Յոթվերք առաջնորդանիստ մայր
եկեղեցում Սուրբ ու անմահ Պատարագ մատուցեց Տ. Թաթուլ ավ. քհն. Հակոբյանը
եւ «Հայր մեր»-ից առաջ քարոզ խոսեց:
Նույն օրը Շիրակի թեմի Առաջնորդ Տ. Միքայել եպս. Աջապահյանն այցելեց
Սուրբ Միքայել ռուսական մատուռ, ուր, ձեռամբ Տ. Ստեփանոս քհն. Ավետիսյանի,
մատուցվեց Սուրբ եւ անմահ Պատարագ: Հընթացս սրբազան արարողակարգի՝
«Հայր մեր»-ից առաջ, հավուր պատշաճի հոգենորոգ քարոզ խոսեց Առաջնորդ
Սրբազանը:
>>> |
|