ՄԱՍՆԱԳԻՏԱԿԱՆ
ՈՒՍՈՒՑՈՒՄՆԵՐ
կեղեցիների
Համաշխարհային Խորհրդի միջեկեղեցական բարեգործական հայաստանյան «Կլոր
սեղան» հիմնադրամի աջակցությամբ շարունակվում են մասնագիտական անվճար
ուսուցումները սոցիալ-կրթական կենտրոնում:
Այս
փուլում նոր մասնագիտություն ձեռք բերելու կամ վերապատրաստվելու
բացառիկ հնարավորությունն օգտագործում են վաթսունից ավելի գործազուրկներ՝
«Թխվածքների պատրաստում եւ ձեւավորում», «Խոհարարություն», «Կարուձեւ»,
«Վարսահարդարում» եւ «Դիմահարդարում» մասնագիտություններով:
Դասընթացների մասնակիցները, բացի հիմնական մասնագիտական գիտելիքներից
ու հմտություններից, ստանում են նաեւ համակարգչային գիտելիքներ,
մասնակցում հանրային իրազեկման հանդիպումներին, ինչի արդյունքում
ձեռք են բեում կարողությունների, տեղեկացվածության եւ հմտությունների
նոր մակարդակ:
ՍՈՑԻԱԼ-ԿՐԹԱԿԱՆ ԿԵՆՏՐՈՆ ՄԵՐ ԼԱՎԱԳՈՒՅՆ ԿԱՄԱՎՈՐՆԵՐԸ Մեծ ու անգնահատելի
է կամավորների ներդրումն ու դերը սոցիալ-կրթական կենտրոնի գործունեության
մեջ: Մենք բազմապիսի առիթներ ունենք՝ հպարտանալու մեր կամավորներով:
Նելլի
եւ Ջուլիետա Մուքոյանները ոչ միայն լավ քույրեր են, այլեւ լավ ու
օրինակելի գործընկերներ: Նրանք 2018 թվականի մարտ ամսից կամավորական
աշխատանք են իրականացնում կենտրոնի «Հեքիաթ» երեխաների ցերեկային
խնամքի կենտրոնում՝ դասավանդելով անգլերեն:
Ցանկացած աշխատանք ստացված է եւ արդյունավետ, եթե այն կատարվում
է սիրով ու նվիրումով: Հենց այդպիսի նվիրվածության հրաշալի օրինակ
են դրսեւորում մեր սիրելի կամավորները: Նրանց նախաձեռնությամբ օգոստոս
ամսին տեղի ունեցավ անգլերենի բաց դաս «Հեքիաթ» երեխաների ցերեկային
խնամքի կենտրոնում, որի ընթացքում երեխաները ներկայացրին իրենց գիտելիքներն
անգլերենից՝ երգերի, բանաստեղծությունների, դերային խաղերի միջոցով:
Նելլին ու Ջուլիետան պատասխանատու, պարտաճանաչ, բանիմաց ու ստեղծագործ
կամավորներ են, ովքեր սիրում են երեխաներին, եւ այդ սերը փոխադարձ
է: Արդյունավետ աշխատանքի ու նվիրվածության համար նրանք ճանաչվեցին
«Օգոստոս ամսվա լավագույն կամավորներ»:
Շնորհավորում ենք քույրերին՝ նրանց ցանկանալով բեղուն աշխատանքային
օրեր եւ շնորհակալ ենք աջակցության, մեր կողքին ու մեզ հետ լինելու
համար:
ՄԱՐԻԱՄ ՀԱԿՈԲՅԱՆ
>>>
|
|