Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ԽԱՉԻ ԵՎ ԿՈՉՆԱԿԻ ՕՐՀՆՈՒԹՅԱՆ ԿԱՐԳ ԲԱԳՐԱՎԱՆՈՒՄ

ուլիսի 13-ի երկուշաբթի օրը տոնական էր Բագրավան համայնքի հավատացյալների համար, քանի որ այն ծիսառատ էր եւ հիշարժան:

Վաղ առավոտյան Ս. Համբարձում ( Ս. Ավետիս) մատուռում, ձեռամբ Իսահակյանի հովվության հոգեւոր հովիվ արժանապատիվ Տ. Սարգիս քհն. Սարդարյանի, օրհություն ստացան գյուղի նորակոչիկները: Տեր Հայրն աղոթք առաքեց նաեւ առ Ամենակարող Աստված՝ նրանց անփորձանք ծառայության, հայրենիքի խաղաղության ու սահմանների անսասանության համար՝ բարի երթ մաղթելով ճանապարհելուց առաջ:

Քանի որ նաեւ մեռելոց էր, կատարվեց հոգեհանգստյան կարգ՝ բոլոր ննջեցյալների հոգիների հագստության համար:

Օրը նշանավորվեց նաեւ, Ս. Համբարձում (Ս. Ավետիս) մատուռին առընթեր կառուցված, զանգակատան խաչի եւ կոչնակի օրհնության կարգով, որոնք, շինարարական աշխատանքներն ամբողջությամբ ավարտելուց հետո, կօծվեն: Հանդիսակարգից հետո նորօրհնյալ խաչը տեղադրվեց զանգակատան թմբուկին:

Նշենք, որ զանգակատունը կառուցվել է ամերիկահայ մեծ բարերար տիար Հակոբ Յուրիճյանի հովանավորությամբ եւ մատուռի խաչքավոր տիար Վահան Թումասյանի անվարձահատույց աշխատանքով ու ջանքերով:

Ծիսակատար Տեր Սարգիսը վերջում իր գնահատանքն ու օրհնությունը հղեց բարերարներին ու նրանց ընտանիքներին՝ ի մասնավորի շեշտելով. «Աղոթում ենք նրանց քաջառողջության, երկարակեցության, բարօրության ու երջանկության համար»: Ապա մատուռի նորակառույց զանգակատան կառուցման հովանավորին ու աշխատանքներ կատարողին Իսահակյանի հովվության հոգեւոր հովիվ Տ. Սարգիս քհն. Սարդարյանն իր անունից հանձնեց օրհնության ու գնահատանքի գրեր:

Հանդիսավոր արարողակարգից հետո տրվեց հյուրասիրություն:

ԻՍԱՀԱԿՅԱՆԻ ՀՈՎՎՈՒԹՅՈՒՆ

>>>