Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

Մանուկներին՝ Սրբազան Պատմություն

ՏԱՐՕՐԻՆԱԿ ՊԱՇՏՈՆՅԱՆ

ինչ այսօր մարդիկ հիշում են պաշտոնավոր Խվանին: Նա բարձր պաշտոններ էր զբաղեցնում տարբեր տիրակալների օրոք, սակայն նրա կյանքում համարյա ոչինչ չէր փոխվում: Ամենահիանալին աստիճանավոր Խվանի մեջ այն էր, որ նա մարդկանց միշտ «այո» էր ասում՝ անկախ նրանից, թե ինչ հարցով էին դիմում նրան: Պաշտոնյայի շուրթերն անկարող էին «ոչ» ասել, եթե նույնիսկ դա ծայրաստիճան անհրաժեշտ էր: Թվում էր, թե նա անտարբեր էր այն ամենի հանդեպ, ինչ տեղի էր ունենում շրջապատում: Նրա դեմքը երբեք մտահոգություն չէր արտահայտում:

Մի անգամ նրա երկու ծառաներն ինչ-որ բանի պատճառով վիճեցին եւ ոչ մի կերպ չէին կարողանում համաձայնության գալ: Վերջապես նրանցից մեկը դիմեց տիրոջը՝ ասելով.

- Տե՛ր, ես վիճել եմ ընկերոջս հետ, եւ մենք անկարող ենք հարցը լուծել: Խնդրում եմ, մեր դատը տեսեք:

Եվ վերջինս պատմեց նրան վեճի էությունը: Պաշտոնյան լսեց ծառային ու հանգիստ պատասխանեց.

- Քո խոսքերը ճշմարիտ են: Դու ճիշտ ես:

Բայց հետո՝ որոշ ժամանակ անց, եկավ մյուս ծառան: Նա եւս պատմեց հենց նույն վեճի մասին եւ նույնպես խնդրեց աստիճանավորին՝ դատել իրենց: Խվանը, նույն հանդարտությամբ նայեց նրան եւս եւ տվեց նույն պատասխանը՝ ասելով.

- Քո խոսքերը ճշմարիտ են: Դու ճիշտ ես:

Պատահաբար այս ամենին ներկա էր նրա կինը: Նա նախ ծիծաղեց եւ ապա հարցրեց.

- Օ՜, տեր իմ, ինչո՞ւ Դուք պարզ լուծման չհանգեցիք: Չէ՞ որ ինքներդ արդեն լսել էիք, որ Ձեր երկու ծառաները վիճում են միմյանց հետ: Մի՞թե ավելի պարզ չէր լինի մեկին ասել, որ նա ճիշտ է, իսկ մյուսին, որ սխալ է:

- Այո, ճիշտ է,- պատասխանեց Խվանը,- դու ճիշտ ես:

Կինը զարմանքով նայեց ամուսնուն եւ ոչինչ չպատասխանեց:

Ահա հենց թեւավոր դարձած այս խոսքերն էլ հասել են մեր օրերը: Եվ հիմա, երբ մարդիկ տեսնում են, որ ինչ-որ մեկը չի կարողանում իրենց վեճը լուծել, ասում են.

- Դու դատում ես այնպես, ինչպես աստիճանավոր Խվանը:

>>>