ՈՒԽՏԻ
ՍՈՒՐԲ ՊԱՏԱՐԱԳ ՄԱՐՄԱՇԵՆԻ
ՍՈՒՐԲ ՀՈՎՀԱՆՆԵՍ ԵԿԵՂԵՑՈՒՄ
«Կար մի մարդ՝ Աստծուց ուղարկված, անունը՝
Հովհաննես: Սա եկավ որպես վկա,
որպեսզի վկայի լույսի մասին, որ բոլորը նրա միջոցով հավատան:
Ինքը լույսը չէր, այլ եկել էր, որ վկայի լույսի մասին»:
ՀՈՎՀ. Ա 6-8
ունվարի
15-ին Հայ Առաքելական Սուրբ Եկեղեցին նշեց Սուրբ Հովհաննես Մկրտչի
ծննդյան տոնը, որը համարվում է Մարմաշենի Սուրբ Հովհաննես Մկրտիչ
եկեղեցու ուխտի օր: Տոնի առիթով եկեղեցում մատուցվեց ուխտի Սուրբ
եւ անմահ Պատարագ՝ ձեռամբ Տ. Փառեն քհն. Պետրոսյանի:
«Հովհաննես Մկրտչի հայրը՝ Զաքարիա քահանայապետը, մի պահ կարկամում
է, չի հավատում, որ իր ծեր կինը կարող է հղիանալ: Այսօր շատերս ամուսնանում
ենք, նույնիսկ մեկ տարի չենք համբերում, թե Աստված մեզ ե՞րբ պիտի
զավակ շնորհի, անմիջապես դիմում ենք զարտուղի ճանապարհների: Միակ
ճանապարհն աղոթքն է, ապավինումը Տիրոջը: Մեկ, երկու, երեք տարի եթե
չես ունենա, ուրեմն մեկ բանի մասին է սա վկայում՝ Աստված քեզ հետ
կյանքի ուղի ունի անցնելու՝ ինչպես անցավ Եղիսաբեթի հետ, ինչպես
անցավ Մարիամ Աստվածածնի մոր՝ Աննայի հետ …
Համբերություն. նշանակում է՝ Աստված ճանապարհ ունի մեզ հետ անցնելու,
ինչ-որ բան է ուզում ասել: Ուրեմն՝ մտի՛ր Աստծո տուն եւ իմացի՛ր,
թե Աստված ի՞նչ է քեզ ուզում հայտնել, ի՞նչ հնարավորություն է տալիս:
Կարող է քո որովայնի պտուղը, որ տասը կամ քսան տարի հետո պիտի լույս
աշխարհ գա, մի այնպիսի անձնավորություն է, որ պիտի փրկի աշխարհը
կործանումից: Կարող է դառնում է երկրի ղեկավար. ավելի մեծ շնորհ
ասեմ՝ կարող է դառնում է կաթողիկոս»,- քարոզի ընթացքում նշեց պատարագիչ
Տեր Հայրը:
Ուխտի Սուրբ Պատարագին ներկա էին ոչ միայն տեղի հավատավորները, այլ
նաեւ բազմաթիվ ուխտավորներ:
Սրբազան արարողակարգից հետո եկեղեցու բակում տրվեց մատաղ՝ Հովհաննես
Ասատրյանի եւ Ասատրյան ընտանիքի կողմից:
ԳՈՀԱՐ ԳԱԼՏԱԳԱԶՅԱՆ
>>>
|
|