ՍՈՒՐԲ
ԾՆՆԴՅԱՆ ԱՎԵՏԻՍՆԵՐ՝
ՏԵՐ ՀՈՐ ԱՌԱՋՆՈՐԴՈՒԹՅԱՄԲ
ունվարի
5-ին` հավարտ Սուրբ Ծննդյան Ճրագալույցի Ս. Պատարագի, Գյումրու Ս.
Նշան եկեղեցու երիտասարդաց միությունը, «Հրայրք» ավանդական պարի
համույթի հետ, Տ. Նշան քհն. Պանֆյորովի առաջնորդությամբ, Սուրբ Ծննդյան
ավետիսներն էին տարածում Գյումրու կենտրոնական փողոցներում:
Թակում էին բնակիչների դռները` Սուրբ Ծննդյան ավետիսներով ու ազգային
պարերով ջերմացնելով մարդկանց հոգիները:
Անակնկալի եկած բնակիչները մեծ ուրախությամբ ու ջերմեռանդությամբ
հյուրընկալում էին երիտասարդներին` փոխանցելով միրգ, քաղցրավենիք,
անսահման սեր ու ջերմություն: Ընտանիքներ էլ կային, որ, նախորդ տարվա
այցելությունից հետո, այս տարի եւս իրենց բակերում արդեն սպասում
էին երիտասարդներին: «Քրիստոս ծնավ եւ հայտնեցավ» սքանչելի ավետիսով
երիտասարդները ողջունում էին նաեւ քաղաքի կենտրոնական թաղամասերի
անցորդներին` փոխանցելով մեր Տեր Հիսուս Քրիստոսի Ծննդյան հոգենորոգ
լուրը:
Վերջին
տունը, որ այցելեցին երիտասարդները, Տ. Նշան քհն. Պանֆյորովի հյուրընկալ
հարկն էր, ուր երիտասարդաց միության եւ «Հրայրք»-ի անդամները միասին
տոնեցին Սուրբ Ծնունդը: Տեր Հայրը նշեց, որ երջանիկ է իրեն զգում`
տեսնելով Եկեղեցու շուրջ համախմբված երիտասարդներին, ինչը նպաստում
է նաեւ ազգային ավանդույթների պահպանմանը: Իր օրհնությունը փոխանցելով
երիտասարդներին` Տեր Հայրը մաղթեց, որ Աստծո փրկչական լույսը միշտ
լինի նրանց հոգիներում:
ՄԱՐԻԱՄ ՍՈՒՔԻԿՅԱՆ
ԼՈՒՍԱՆԿԱՐՆԵՐԸ՝ ՀԵՂԻՆԱԿԻ
>>>
|
|