Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՏՅԱՌՆԸՆԴԱՌԱՋԸ ԹԱՆԳԱՐԱՆՈՒՄ

իրակի թեմի Երիտասարդաց միությունը, Գյումրու ժողովրդական ճարտարապետության եւ քաղաքային կենցաղի թանգարանի, «Հրայրք» ավանդական պարի խմբի եւ «Saribekyan’s band»-ի հետ, նշեց Տյառնընդառաջը:

Տոնակատարությանը բնորոշ բոլոր ծիսակարգերի պահպանմամբ՝ այն նշվեց Գյումրու ժողովրդական ճարտարապետության եւ քաղաքային կենցաղի թանգարանի բակում:

Շիրակի թեմի արժանապատիվ Տեր Նշան, Տեր Հակոբ եւ Տեր Մակար քահանաների օրհնությամբ ազդարարվեց տոնակատարության մեկնարկը, կատարվեց Անդաստանի կարգ՝ օրհնվեցին աշխարհի չորս կողմերը եւ վառվեց Տյառնընդառաջի կրակը:

Այնուհետեւ Շիրակի թեմի Երիտասարդաց միության երիտասարդները ներկայացրին հարսանեկան ծես` «Տիկնի պսակ» բեմականացմամբ:

Ներկաները բաժանվեցին երեք խմբի` նվագածուներ, հարսնացուի կողմի խնամիներ, տղայի կողմի խնամիներ:

Էլ ինչ հարսանիք` առանց ազգային երգ ու պարի. «Հրայրք» ավանդական պարի խումբն էլ, «Saribekyan’s band»-ի կենդանի նվագակցությամբ, ներկայացրեց մեր ազգային պարերը` բոլորին համախմբելով Տյառնընդառաջի կրակի շուրջ:

Ներկաները հնարավորություն ունեցան նաեւ օգտվել ծիսական ուտեստների հյուրասիրությունից` ընկույզով համեմված հալվա, փոխինձ ու աղանձ:

ՄԱՐԻԱՄ ՍՈՒՔԻԿՅԱՆ
ԼՈՒՍԱՆԿԱՐՆԵՐԸ՝ ԳՈՀԱՐ ԳԱԼՏԱԳԱԶՅԱՆԻ

>>>