Լրահոսից
4 փետրվարի - Առաջնորդանիստ Սուրբ
Աստվածածին մայր եկեղեցում մատուցվեց Սուրբ եւ անմահ Պատարագ: Օրվա
պատարագիչն էր Տ. Շիրակ ավգ. քհն. Առաքելյանը: Հընթացս սրբազան արարողակարգի՝
«Հայր մեր»-ից առաջ, հավուր պատշաճի քարոզ խոսեց Տ. Հուսիկ քհն.
Գրիգորյանը:
Նույն օրը Շիրակի թեմի Առաջնորդ Տ. Միքայել արքեպս. Աջապահյանն այցելեց
Կամո գյուղ եւ Սուրբ Գրիգոր Նարեկացի եկեղեցում մասնակցեց մատուցվող
Սուրբ եւ անմահ Պատարագին: Օրվա պատարագիչն ու քարոզխոսն էր Տ. Նարեկ
քհն. Անտոնյանը:
8 փետրվարի - Տոն Սրբոց Վարդանանց: Առաջնորդանիստ
Ս. Յոթվերք մայր եկեղեցում մատուցվեց Սուրբ եւ անմահ Պատարագ: Օրվա
պատարագիչն ու քարոզխոսն էր Տ. Թաթուլ ավգ. քհն. Հակոբյանը: Սրբազան
արարողակարգի ընթացքում կատարվեց Հայրապետական մաղթանք՝ Ն.Ս.Օ.Տ.Տ.
Գարեգին Բ Ամենայն Հայոց Կաթողիկոսի անվանակոչության տոնի ուրախ
առիթով:
11 փետրվարի - Բուն բարեկենդան: Տոնի ուրախ առիթով
Ս. Աստվածածին մայր եկեղեցում մատուցվեց Սուրբ եւ անմահ Պատարագ:
Օրվա պատարագիչն էր Տ. Թաթուլ ավգ. քհն. Հակոբյանը: Սրբազան արարողակարգի
ընթացքում՝ «Հայր մեր»-ից առաջ, Տ. Հուսիկ քհն. Գրիգորյանը մեկնեց
օրվա խորհուրդը եւ հանգամանալից բացատրություն տվեց բուն տոնի մասին:
13 փետրվարի - Ս. Յոթվերք մայր եկեղեցում երեկոյան
կատարվեց Տյառնընդառաջի նախատոնակ, այնուհետեւ Վարդանանց հրապարակում
կատարվեց անդաստան եւ, ձեռամբ Շիրակի թեմի Առաջնորդ Տ. Միքայել արքեպս.
Աջապահյանի, վառվեց Տյառնընդառաջի խարույկը:
14 փետրվարի - Տյառնընդառաջ: Տոն քառասնօրյա գալստյանն
Քրիստոսի ի Տաճարն: Սուրբ Աստվածածին եկեղեցում, տոնի ուրախ առիթով,
մատուցվեց Սուրբ եւ անմահ Պատարագ: Օրվա պատարագիչն էր Տ. Հուսիկ
քհն. Գրիգորյանը: Հընթացս սրբազան արարողակարգի՝ «Հայր մեր»-ից առաջ,
օրվան համահունչ քարոզ խոսեց պատարագիչ Տեր Հայրը:
18 փետրվարի - Արտաքսման կիրակի: Ս. Յոթվերք եկեղեցում
մատուցվեց Սուրբ եւ անմահ Պատարագ՝ ձեռամբ Տ. Հուսիկ քհն. Գրիգորյանի:
Սրբազան արարողակարգի ընթացքում՝ «Հայր մեր»-ից առաջ, հանգամանալից
քարոզ խոսեց Տ. Թաթուլ ավգ. քհն. Հակոբյանը:
Նույն օրը Շիրակի թեմի բարեխնամ Առաջնորդ Տ. Միքայել արքեպս. Աջապահյանը
հովվական այցով եղավ Ամասիայի Ս. Գեւորգ եկեղեցում, ուր մատուցվեց
Սուրբ եւ անմահ Պատարագ՝ ձեռամբ Տ. Գարեգին քհն. Սարգսյանի: Հընթացս
սրբազան արարողակարգի՝ «Հայր մեր»-ից առաջ, ոգեշինիչ քարոզ խոսեց
Սրբազան Հայրը:
25 փետրվարի - Անառակի կիրակի: Ս. Յոթվերք եկեղեցում
մատուցվեց Սուրբ եւ անմահ Պատարագ՝ ձեռամբ Տ. Շիրակ ավգ. քհն. Առաքելյանի:
Հընթացս սրբազան արարողակարգի՝ «Հայր մեր»-ից առաջ, հանգամանալից
քարոզ խոսեց Տ. Հուսիկ քհն. Գրիգորյանը:
>>> |
|