Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ԻՆՉ Է ԵՎ ԻՆՉ ՉԷ ԵԿԵՂԵՑԻՆ

ոյեմբերի 14-ին, Շիրակի թեմի սոցիալ-կրթական կենտրոնում, տեղի ունեցավ, թեմի երիտասարդաց միության կողմից կազմակերպված, հետաքրքիր ու սպասված հանդիպում՝ «Ինչ է եւ ինչ չէ Եկեղեցին» թեմայով:

Հյուրը՝ բոլորիս սիրելի Թովմաս ուրարակիր Առաքելյանը, իր դիպուկ, խորիմաստ ու ճշգրիտ խոսքով ներկայացրեց թեման՝ օգնելով երիտասարդներին նոր լույսի տակ դիտարկել Եկեղեցու էությունը, առաքելությունը եւ իրական կոչումը մեր կյանքում:

Քննարկման ընթացքում մասնակիցները հնարավորություն ունեցան ոչ միայն լսել, այլ նաեւ ակտիվորեն ներգրավվել թեմայի քննարկմանը՝ բարձրացնելով իրենց հուզող հարցերը, կիսվելով անձնական պատմություններով ու մտորումներով: Ստեղծվեց անկաշկանդ, ջերմ ու վստահելի միջավայր, ուր յուրաքանչյուրն իր մասնակցությունն ունեցավ՝ թեմայի բացահայտման շրջանակներում:

Խոսվեց այն մասին, թե ինչն է ձեւավորում Եկեղեցու իրական էությունը, ինչ չէ Եկեղեցին եւ ինչպիսի սխալ պատկերացումներ են տարածված մեր հասարակության մեջ, ինչպես է քրիստոնեական մոտեցումը օգնում՝ հասկանալու ինքներս մեզ, մարդկանց եւ արժեքների կարեւորությունը:

Հանդիպմանը ներկա էին նաեւ Տ. Մակար քհն. Գալամդարյանը եւ Տ. Նշան քհն. Պանֆյորովը:

ՄԱՐԻԱՄ ՍՈՒՔԻԿՅԱՆ
ԼՈՒՍԱՆԿԱՐԸ՝ ՀԵՂԻՆԱԿԻ

>>>