| Մանուկներին՝
Սրբազան Պատմություն
ՓՈՐՁՈՒԹՅՈՒՆ, ԹԵ՞ ՓՈՐՁԱՆՔ…
 ի
հավատացյալ գյուղացի այգիներ ուներ: Ամեն տարի բերքահավաքի եկամտից
նաեւ բաժին էր հանում եկեղեցուն: Երբ մի շոգ ու արեւոտ օր ճամփա
է ընկնում դեպի իր այգիները, վաճառականի կերպարանքով սատանան նստում
է ծառի ստվերի ներքո` ձեռքին սառնորակ ջրով լի մի մեծ կուժ: Մոտեցող
գյուղացուն բարձաձայն ասում է.
 -
Այս շոգին ծարաված կլինես, լեռների սառնորակ ջուրն եմ վաճառում,
բայց քեզանից վարձ չեմ ուզում, էլ ո՞ւր մնաց մարդկությունը… վերցրու,
խմիր:
Կժով լի ջուրը տալիս է ու հեռանում: Այգեպանն ասում է.
- Շնորհակալ եմ քեզանից, ինչքան օրհնյալ ու բարի մարդ ես:
Այդ երեկոյան գյուղացին հիվանդանում է, քանի որ ամբողջությամբ խմել
էր կժով լի սառը ջուրը, որը բավականին շատ էր:
Մի քանի օր անց, փոքր-ինչ կազդուրվելով, կրկին ճամփա է ընկնում՝
մշակելու համար իր այգիները: Որոշում է, որ ով էլ հանդիպի, ինչ էլ
լինի, այլեւս, որեւէ սառը ըմպելիք չի խմի, մինչեւ իր ամբողջական
առողջանալը:
Նույն վայրում, ուր հանդիպել էր վաճառականին, տեսնում է, որ իր ընկեր
հովիվները վաճառականի հետ միասին թան են խմում: Ինքը եւս միանում
է նրանց: Վաճառականը թանով լի մի մեծ գավաթ է պարզում դեպի գյուղացին
ու ասում.
- Այսօր շատ շոգ է, հուսով եմ ինձ կրկին կօրհնես ու ընկերներիդ հետ
երախտապարտ կլինես, քանի որ ձեզ անհատույց թան եմ հյուրասիրում:
Այգեպանը մի փոքր ըմպում է եւ զգում, որ շատ սառն է:
Սատանան ասում է.
- Այս անգամ էլ խմիր, ոչինչ էլ չկա, այս պահին դու լավ ես:
Գյուղացին զարմանում է, թե վաճառականը որտեղի՞ց գիտի իր որպիսությունը,
սակայն քաջալերվում է այդ խոսքերից եւ ամբողջը խմում: Հաջորդ օրը
նորից հիվանդանում է, իսկ այգիներն անմշակ են մնում: Սատանան էլ,
միեւնույն ծառի ստվերում նստած, հանգիստ սպասում է, թե գյուղացին
կրկին ե՞րբ է գալու….
Միշտ պետք է զգոն լինել եւ մտքով արթուն՝ այսպիսի փորձությունների
մեջ չընկնելու համար… Նմանատիպ փորձություններ հատկապես լինում են
նաեւ պահքի ընթացքում:
>>>
|
|
