Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

«ԱՐԴ ԲԱՐԵԽՕՍ ԱՌ ՔԵԶ ՈՒՆԻՄՔ, ՈՐՔ ԱՍՏ ԵՒ
ԸՆԴ ԱՄԵՆԱՅՆ ՏԻԵԶԵՐՍ ՍՈՒՐԲՔ ԻՑԵՆ»
ՈԽՏԻ ՍՈՒՐԲ ՊԱՏԱՐԱԳ ՍՈՒՐԲ ՀԱԿՈԲ ԵԿԵՂԵՑՈՒՄ

եկտեմբերի 13-ին Հայ Առաքելական Սուրբ Եկեղեցին նշեց Սուրբ Հակոբ Մծբնա Հայրապետի, Մարուգե ճգնավորի եւ Մելիտոս եպիսկոպոսի տոնը, ինչի առիթով կազմակերպվեց ուխտի խաչերթ:

ՆՐԱՆՑ ԾՆՈՒՆԴԸ ՄԻՇՏ ԹՎՈՒՄ Է ԱՆՍՊԱՍԵԼԻ

Սուրբ Հակոբ Մծբնա Հայրապետն ասորիների, հայերի, ինչպես նաեւ Ընդհանրական Եկեղեցու կողմից մեծապես սիրված ու պատվելի սրբերից է: Նրա երկրային կյանքը համակ նվիրվում էր Հիսուսին ու Նրա Ավետարանին: Կատարած բազում հրաշքների շնորհիվ նրան կոչել են նաեւ Սքանչելագործ: Վարքագրական աղբյուրների համաձայն՝ Հակոբը պարթեւական տոհմից էր եւ մեր առաջին հայրապետ Ս. Գրիգոր Լուսավորչի հորաքրոջ որդին: Մծբնիում հանդիպելով Ս. Մարուգե ճգնավորին՝ տեղեկանում է, որ մարդկանցից շատերը թեպետ հավատքի են եկել, սակայն թերահավատ են եւ կասկածում են Նոյան տապանի գոյությանը: Ուստի որոշում է բարձրանալ բիբլիական լեռը, տապանը տեսնել եւ մի մասնիկ բերել: Հակառակ անկոտրում կամքին՝ չի կարողանում հասնել Արարատի գագաթը եւ, երկար տանջվելուց հետո, նիրհում է: Երազում հրեշտակն այցելում է նրան եւ տապանից մի մասունք դնում գլխատակին: Նոյան տապանի այդ մասունքը ցայսօր պահվում է Մայր Աթոռ Ս. Էջածնում:

ՍՈՒՐԲ ԵՎ ԱՆՄԱՀ ՊԱՏԱՐԱԳ

Սուրբ Հակոբին նվիրված տոնի առիթով Գյումրու համանուն եկեղեցում մատուցվեց Սուրբ եւ անմահ Պատարագ՝ ձեռամբ Տ. Ռուբեն քհն. Գասպարյանի: Մեծաթիվ ուխտավորներ էին մեկտեղվելէ՝ ներկա գտնվելու մատուցվելիք Սուրբ Պատարագին: Սրբազան արարողակարգի ընթացքում՝ «Հայր մեր»-ից առաջ, հավուր պատշաճի ոգեշունչ քարոզ խոսեց պատարագիչ Տեր Հայրը:

Սուրբ Պատարագի ընթացքում եկեղեցու խորանին էին դրվել, Մայր Աթոռից բերված, Ս. Հակոբ Հայրապետի մասունքակիր Ս. Աջը, նաեւ Սրբի մասունքների վրա կառուցված եկեղեցուց բերված նշխար-քարերը: Քարերը տարիներ առաջ Մծբին քաղաքից բերել եւ եկեղեցուն է նվիրել Շիրակի թեմի բարեխնամ Առաջնորդ Տ. Միքայել արքեպս. Աջապահյանը:

Ներկա հավատացյալներին հնարավորություն ընձեռվեց խոնարհվել, երկրպագել ու համբուրել Սրբությունները: Հավարտ սրբազան արարողակարգի՝ Ս. Հակոբ եկեղեցու խաչքավոր Ռաֆայել Գարեգինյանի կողմից, մատաղ բաժանվեց ներկա հավատացյալներին:

ԱԼՎԱՐԴ ԿԱՂԶՎԱՆՑՅԱՆ

>>>